Netanyahu Trampdan İrana zərbələri bərpa etməyi istəyir
İsrailin Baş naziri Benyamin Netanyahu ABŞ Prezidenti Donald Trampı İrana qarşı hərbi zərbələri dərhal bərpa etməyə çağırır, Tramp isə diplomatiyaya daha çox vaxt verilməsinin tərəfdarıdır.
Crossmedia.az xəbər verir ki, “Axios” nəşri bu barədə məlumat yayıb.
Məlumata görə, tərəflər şənbə günü gərgin telefon danışığı aparıblar. İsrail mənbəsi söhbəti “çətin”, ABŞ mənbəsi isə “birbaşa” kimi xarakterizə edib.
Nəşrin yazdığına görə, Netanyahu ABŞ-da noyabrın 3-də keçiriləcək aralıq seçkilərdən dərhal sonra İrana qarşı zərbələrin yenidən başlanmasına çalışır. Tramp isə hələlik diplomatik səylərin davam etdirilməsini istəyir.
06:00 02.11.2026
Oxunuş sayı: 39
