Almaniya Rusiyanın danışıqlara maraqlı olmadığını bildirdi
Almaniya kansleri Fridrix Merz Rusiyanın hazırda ciddi danışıqlarda maraqlı olmadığını bildirib.
Crossmedia.az xəbər verir ki, “Reuters” bu barədə məlumat yayıb.
Merz qeyd edib ki, Almaniya Ukraynadakı müharibənin dayandırılması üçün genişmiqyaslı diplomatik səylər göstərir. Bu çərçivədə Almaniyanın xarici işlər nazirinin Nyu-Yorka səfər etdiyini və Rusiyanın xarici işlər naziri ilə danışıqlar apardığını bildirib.
Kanslerin sözlərinə görə, Moskvanın danışıqlardan sonra verdiyi qiymətləndirmə Rusiyanın hazırda ciddi danışıqlarda maraqlı olmadığını göstərir.
Merz Almaniyanın Ukraynaya dəstəyini davam etdirəcəyini vurğulayıb. O bildirib ki, bu dəstək yalnız hərbi sahə ilə məhdudlaşmayacaq, siyasi, maliyyə və iqtisadi istiqamətlərdə də davam etdiriləcək.
21:54 29.09.2026
Oxunuş sayı: 38
