Noyabrın 14-də dörd planet səmada eyni vaxtda görünəcək
Noyabrın 14-də Merkuri, Venera, Mars və Yupiter planetləri səmada nadir astronomik mənzərə, “planetlərin paradı”nı yaradacaq.
Crossmedia.az xəbər verir ki, TASS-ın məlumatına görə, Perm Milli Tədqiqat Politexnik Universitetinin astronomiya üzrə eksperti Yevgeni Burmistrov bildirib ki, bu hadisəni müşahidə etmək üçün sübh açılmazdan əvvəl səmanın şərq hissəsinə baxmaq lazımdır.
Mütəxəssisin sözlərinə görə, planetləri Günəşin doğmasına təxminən 1,5–2 saat qalmış, Moskva vaxtı ilə saat 05:25 radələrindən etibarən müşahidə etmək mümkün olacaq.
Astronomik hadisəni izləmək üçün üfüqün şərq hissəsinin açıq olması və müşahidəyə mane olan binaların, ağacların olmaması tövsiyə edilir.
20:00 13.11.2026
Oxunuş sayı: 116
