Yerin yeni "mini-ayı" var
Astronomların fikrincə, Yerin yeni bir "mini-ayı" peyda olub.
Crossmedia.az xəbər verir ki, bu barədə CNN məlumat yayıb.
Belə ki, 2026 QQ8 asteroidi ilk dəfə avqust ayında macar astronom Kristian Sarneçki tərəfindən müşahidə edilib, lakin onun kəşfi barədə məlumat yalnız ötən ay Beynəlxalq Astronomiya İttifaqının Kiçik Planetlər Mərkəzi tərəfindən açıqlanıb.
Çox kiçik ölçülü, diametri təxminən 1–2 metr olan bu obyekt planetimizdən 500 000 kilometrdən çox məsafədə, yəni Aydan da uzaqda yerləşir.
"Mini-aylar" Yerin cazibə qüvvəsi tərəfindən tutulan və müvəqqəti olaraq planetimizin ətrafında dövr edən kiçik asteroidlərdir.
Astronomlar hesab edirlər ki, 2026 QQ8 aprel ayında Yerin cazibə qüvvəsi tərəfindən tutulub və yaxın bir neçə ay ərzində ondan azad olacağı gözlənilir.
Lakin "mini-aylar" Yeri müşayiət edən yeganə müvəqqəti səma cisimləri deyil.
Yerin peykləri belə adlandırılır, çünki Yerdən baxdıqda, tıpkı Ay kimi, onlar da planetimizin ətrafında dövr edirmiş kimi görünürlər. Lakin daha diqqətlə nəzərdən keçirdikdə məlum olur ki, bunlar əslində Günəş ətrafında Yerlə yanaşı dövr edən asteroidlərdir.
20:14 13.11.2026
Oxunuş sayı: 97
