Xarici xəbərlər

İranda əhaliyə qazdan qənaətlə istifadə etmək çağırışı edilib

İran hakimiyyəti qış mövsümü ərəfəsində ölkədə qaz çatışmazlığı təhlükəsi ilə əlaqədar vətəndaşları yanacaqdan qənaətlə istifadə etməyə çağırıb.

Crossmedia.az xəbər verir ki, bu barədə "Reuters" nəşri məlumat yayıb.

İran hökumətinin sözçüsü Fatimə Mohacerani bildirib ki, qaz istehlakının yüksək səviyyədə qalması paytaxt Tehran da daxil olmaqla, ölkənin müxtəlif bölgələrində təchizatın məhdudlaşdırılmasına səbəb ola bilər.

İran parlamentinin sədri Məhəmməd Baqir Qalibaf qış mövsümü ərəfəsində əhalini qaz istehlakını 10 faiz azaltmağa çağırıb.

İran hökumətinin sözçüsü Fatimə Mohacerani yüksək istehlak davam edəcəyi təqdirdə Tehran da daxil olmaqla, ölkənin müxtəlif bölgələrində qaz təchizatının məhdudlaşdırıla biləcəyini açıqlayıb.

Milli İran Qaz Şirkətinin rəhbəri Səid Tavakoli isə ölkənin 31 vilayətindən 11-də qış aylarında qaz təchizatı ilə bağlı çətinliklərin yarana biləcəyini bildirib. Xüsusilə Mazandaran, Gülüstan və Şimali Xorasan vilayətlərinin risk altında olduğu qeyd edilir.

Məlumata görə, ilin əvvəlində baş verən hərbi münaqişə zamanı dörd qaz emalı zavoduna ziyan dəyib. Nəticədə istehsal gücü 230 milyon kubmetr azalıb. İndiyədək itirilmiş gücün təxminən 100 milyon kubmetri bərpa edilib.

Qeyd edək ki, İranın birinci vitse-prezidenti Məhəmməd Rza Aref də istehlakın həddindən artıq artacağı təqdirdə qaz qiymətlərinin yüksələ biləcəyi barədə xəbərdarlıq edib.

Mövzular:

İran Qaz Xəbərdarlıq Qənaət Reuters

🖨 Çap et

23:23 13.11.2026

Oxunuş sayı: 62