Səudiyyə Ərəbistanında PUA qalıqlarının düşməsi nəticəsində ölən və xəsarət alanlar var
Səudiyyə Ərəbistanının Ət-Taif şəhərində məhv edilən pilotsuz uçuş aparatının (PUA) qalıqlarının düşməsi nəticəsində bir nəfər ölüb.
Crossmedia.az xəbər verir ki, bu barədə Səudiyyə Ərəbistanının Mülki Müdafiə Baş İdarəsinin sosial şəbəkəsindəki hesabında paylaşım edilib.
Mülki Müdafiə İdarəsinin rəsmi nümayəndəsi bildirib ki, sentyabrın 17-si Yəmənin husi hərəkatı tərəfindən buraxılan PUA-nın məhv edilməsindən sonra onun qalıqları Ət-Taif əyalətinə düşüb.
Nəticədə Yəmən vətəndaşı ölüb, bir Səudiyyə Ərəbistanı və bir Pakistan vətəndaşı isə yaralanıb. Pakistan vətəndaşının vəziyyəti ağır qiymətləndirilir.
Bundan əlavə, bir sıra binalara və nəqliyyat vasitələrinə maddi ziyan dəydiyi qeydə alınıb.
17:30 17.09.2026
Oxunuş sayı: 39
