Gürcüstanda hökumət əleyhinə aksiyalar dördüncü gündə: Avropa İttifaqı ilə münasibətlər sarsılır - ŞƏRH
Gürcüstanın Tiflis şəhərində hökumət əleyhinə aksiyalar yenidən başlayıb. Minlərlə etirazçı Gürcüstan və Avropa İttifaqı bayraqları ilə parlament binası qarşısına və Rustaveli prospektinə toplaşıb. Təhlükəsizlik tədbirləri gücləndirilib, polis parlamentə müdaxilənin qarşısını almaq üçün tədbirlər görür.
Aksiyalar, Baş nazir İrakli Kobaxidzenin 28 noyabrda Gürcüstanın Avropa İttifaqına üzvlük danışıqlarının 2028-ci ilə qədər dayandırıldığını elan etməsindən sonra başlayıb. Dörd gündür davam edən etirazlar zamanı polislə toqquşmalar yaşanıb, onlarla etirazçı saxlanılıb.
Türkiyənin Qafqaz Strateji Araşdırmalar Mərkəzinin (KAFKASSAM) sədri, politoloq Hasan Oktay Crossmedia.az-a verdiyi müsahibədə Gürcüstanda ötən günlərdə ciddi inkişaf müşahidə olunuğunu bildirib. Ötən günlərdə keçirilən seçkilərdə iqtidar qalib gəlib. Müxalifətin isə etirazlarında iki əsas tələb var: birincisi, seçkilərdə saxtakarlıq olduğu iddia olunur, ikincisi isə Gürcüstanın yönünün qərbdən Rusiyaya çevriləcəyi barədədir və müxalifət bundan narahatdır.
Hasan Oktayın sözlərinə görə, seçkilərdən əvvəl Amerika və Avropa İttifaqı Gürcüstanın qərb ilə olan münasibətlərində durğunluq dövrü gözlədiklərini bildirmişdilər. “Əgər Gürcüstanın seçimi Avropadan yana olacaqsa, proses işləyəcək, əks halda Avropa İttifaqı prosesini dayandıracaq” deyə bildirilib. Seçkilərdən sonra iqtidar güvən qazansa da, Avropa İttifaqı və Amerika Gürcüstana daha soyuq yanaşmağa başlayıb. Baş nazir bu vəziyyəti nəzərə alaraq həm Rusiya ilə əlaqələri gücləndirmək, həm də qərbin münasibətinə cavab vermək məqsədilə açıqlama verib.
Seçkilərdən əvvəl iqtidar balanslı mesajlar verirdi. Lakin indi həm müxalifətə Avropanı qızışdırdıqlarını bildirməyib, həm də Avropa İttifaqı ilə münasibətlərin 2028-ci ilə qədər dayandırıldığını bəyan etməsi müxalifəti və tərəddüd edən vətəndaşları hökumətə qarşı küçələrə çıxarıb. Baş nazirin prosesi idarə edə bilməməsi, Gürcüstanda yaxın günlərdə daha fərqli nəticələrə yol aça bilər və bu, AB ilə bağlı yeni bir prosesi işə sala bilər.
Maral Şahverdili
11:29 02.12.2024
Oxunuş sayı: 21075
