Odessada türk yük gəmisi ballistik raketlərlə vurulub
Odessa limanında elektrik generatorları daşıyan Türkiyəyə məxsus CENK T gəmisinə ballistik raketlə hücum edilib. Gəmi Rumıniyaya yollanmalı idi, lakin naməlum səbəblərdən Odessa sahillərində yanalmada dayanıb.
Crossmedia.az xarici KİV-ə istinadən xəbər verir ki, hücumun motivi və detalları hələlik açıqlanmayıb. Raket zərbəsi nəticəsində gəmidə dağıntı yaranır və hadisə ilə bağlı araşdırma aparılıb.
Mənbələr qeyd edir ki, regionda gərginlik artır və Qara dəniz limanlarında kommersiya gəmilərinin hədəfə alınması təhlükəsizlik risklərini artırıb. Bu cür hücumlar logistika marşrutlarını, enerji təchizatını və humanitar yüklərin daşınmasını birbaşa təhlükə altına qoyub.
Odessadakı hücum Qara dənizdə vəziyyətin nə qədər həssas olduğunu göstərib. Hadisə regional təhlükəsizliyi gündəmə gətirir və beynəlxalq tərəfdaşların narahatlığına səbəb olub.
Türkan Kərimli
20:28 12.12.2025
Oxunuş sayı: 1172
