Azərbaycan - Türkiyə əlaqələrinə zərbə vuran güclər açıqlandı: - Siyasətçi ad çəkdi
Bunu Türkiyənin Azərbaycandakı səfirliyinin mətbuat müşaviri
Alptekin Cihangir İşbilir deyib ki,
Müşavir son günlər Türkiyənin bəzi media orqanlarında Azərbaycana
qarşı dezinformasiya xarakterli məlumatların yayılmasına da toxunub:
"Türkiyə ilə Azərbaycan arasındakı münasibətləri pozmağa
çalışan həm daxili, həm də xarici qüvvələr var. Biz bunlara qarşı bərabər
mübarizə aparmalıyıq".
O, sosial şəbəkə üzərindən aparılan bu kimi kampaniyaları ciddiyə almağın tərəfdarı olmadığını vurğulayıb.
Dünyada və regionda baş verən proseslər Bakı- Ankara xəttindəki unikal əlaqələri gündəmə gəririr. Belə ki, dünyada Azərbaycan və Türkiyə qədər bir - birinə yaxın olan heç bir dövlət yoxdur. Bunun isə dünya dövlətlərinin qısqanclığına səbəb olması və müəyyən təxribatçı addımların atılması mümkündür. Hər halda əvvəllər oxşar cəhdlərin şahidi olmuşuq.
Türkiyəli diplomatın səsləndirdiyi fikirlər barədə Crossmedia.az-a danışan Ana Vətən partiyasının sədri Fəzail Ağamalı bildirib ki, Azərbaycan - Türkiyə əməkdaşlığı Rusiya və İranın strateji maraqlarına ciddi zərbələr vurur: “Azərbaycan- Türkiyə əməkdaşlığını pozmağa çalışan daxili qüvvələr də Rusiya və İranla ələqədədir. Çünki dediyim kimi, Azərbaycan Türkiyə əməkdaşlığının gün keçdikcə inkişaf etməsi Rusiya və İranın maraqlarına ciddi ziyan vurur. Qarşıdan çox ciddi layihələr gəlir. Buna misal olaraq Zəngəzur dəhlizinin açılmasını, Türk Dövlətləri Təşkilatının daha da güclənməsini misal göstərmək olar. İran, Rusiya ilə yanaşı Avropa ölkələri də bundan narahatdır. Fransa, Rusiya, İran kimi dövlətlər böyük Türk birliyinin yaranmasına qısqanclıqla yanaşır, müxtəlif üsullarla bunun qarşısını almağa çalışırlar. Azərbaycan daxilində də onlarla əməkdaşlıq edənlər var. Lakin bu cəhdlər əbəsdir".
Siyasətçi söyləyib ki, Azərbaycan- Türkiyə, Azərbaycan- Pakistan- Türkiyə, Azərbaycan- Pakistan- Türkiyə- Özbəkistan- Qazaxıstan birlikləri inkişaf edir: "ABŞ Prezidenti Donald Trampın Azərbaycana və Türkiyəyə münasibəti çox yüksək səviyyədədir. Bu, xüsusilə bizi istəməyən qüvvələri narahat edir. Böyük Britaniya ilə bizim çox sıx əməkdaşlığımız, əbədi dostluğumuz var. Britaniya Vətən müharibəsi dövründə bizə qarşı məkrli planların işləməsinə imkan vermədi. İsrail isə kimin nə deməyindən asılı olmayaraq Azərbaycanın dostudur. "Azərbaycan Respublikası ilə Çin Xalq Respublikası arasında hərtərəfli strateji tərəfdaşlıq əlaqələrinin qurulması haqqında Birgə Bəyanat" da çox mühüm hadisədir. Şanxay Əməkdaşlıq Təşkilatı çərçivəsində keçirilən görüşlərdə dövlət başçısının necə qarşılandığını hər kəs gördü. Bu, ölkə rəhbərinin dünyada qazandığı hörmətin göstəricisidir. Bütün bunlar da dediyim kimi, bir çox gücü narahat edir".
Fatimə Hacıəliyeva
13:42 30.09.2025
Oxunuş sayı: 5229
