"Zəngəzur dəhlizinin açılmasında Türkiyənin rolu çox vacibdir" - Partiya sədri
Türkiyənin vitse-prezidenti Cevdet Yılmaz Azərbaycanın əmək və əhalinin sosial müdafiəsi naziri Anar Əliyevlə görüşdən sonra sosial şəbəkə hesabında paylaşım edərək, regional sülh prosesini və Azərbaycanla Ermənistan arasında normallaşma prosesini dəstəkləməyə davam edəcəklərini vurğulayıb. Görüş zamanı həmçinin iki ölkə arasında iqtisadiyyat, sosial siyasət və regional əməkdaşlıq sahələrində yeni imkanların açıldığı qeyd olunub. Bu addımlar, xüsusilə Vaşinqtonda atılan tarixi addımdan sonra Cənubi Qafqazda davamlı sülh və sabitlik ümidlərini daha da gücləndirir.
Ankaranın proseslərdəki gələcək rolu barədə Crossmedia.az-a danışan ReAl Partiyasının sədri Natiq Cəfərli deyib ki, söhbət xüsusilə kommunikasiyaların açılmasından, iqtisadi münasibətlərin və ictimai münasibətlərin qurulmasından gedir: "Türkiyə Azərbaycanla birgə kommunikasiyaların açılmasında çox maraqlıdır. Həm Türkiyə, həm Azərbaycan üçün bu önəmli məsələdir. Zəngəzur yolunun və digər kommunikasiyaların açılmasında Türkiyənin iştirakı vacibdir. Çox güman ki, Ankara bu proseslərdə də iştirak edəcək".
Mehriban Yariyeva
14:29 03.09.2025
Oxunuş sayı: 7922
