Gürcüstan siyasətində Zəngəzur amili: "Daxili çəkilmələr üçün istifadə olunur"
Son günlər mediada yayılan iddialara görə, Gürcüstan Zəngəzur dəhlizinin açılmasından narahatdır. Buna əsas kimi, perspektivdə Ermənistanın tranzir ölkəyə çevriləcəyi və Gürcüstanın "oyundankənar" vəziyyətdə qalacağı gözlənilir. Doğrudur, hələ rəsmi Tbilisi məsələyə rəsmi münasibət bildirməyib. Buna baxmayaraq, "od olmayan yerdən tüstü çıxarmı?".
Mediada yayılan iddialar barədə Crossmedia.az-a danışan politoloq Oqtay Qasımov söyləyib ki, deyilənlər tamamilə əsassızdır: "Deyilənlər müxalifət sədri Mixail Saakaşvilinin və onun silahdaşlarının ortaya atdığı iddialardan başqa bir şey deyil. Sadəcə olaraq Gürcüstan daxilindəki siyasi çəkilmələr üçün Zəngəzur dəhlizindən istifadə olunur. Diqqət yetirsək görəririk ki, rəsmi Tbilisi heç bir mənfi münasibət bildirməyib. Əsksinə, Gürcüstan Azərbaycanla Ermənistan arasında münasibətlərin normallaşmasını dəstəkləyir. Xatırlatmaq yerinə düşər ki, ilk dəfə olaraq Ermənistanın minalı ərazilərin xəritəsini Azərbaycana verməsində Gürcüstan mühüm rol oynayıb. Həmçinin "Qafqaz ev" layihəsinin formalaşmasında da Tbilisi əsas təşəbbüskarlardan olub".
Ekspertin sözlərinə görə, Azərbaycanla Ermənistan arasında strateji tərəfdaşlıq əlaqələri var: "Biz Bakı- Tbilisi-Ceyhan neft kəməri, Bakı- Tbilisi- Qars dəmiryolu, Bakı- Tbilisi- Ərzurum qaz kəməri kimi layihələr həyata keçiririk. Həmçinin Qara dənizin dibi ilə yaşıl enerji Avropaya ixrac olunur. Azərbaycan Qara dəniz lianlarının təkmilləşdirilməsində iştirak edir. Onu da deyim ki, Ələt beynəlxalq limanı ilə yükdaşıma həcmi ilkin olaraq 15 milyon ton olaraq müəyyənləşmişdi. İndi bu həcmin 25 milyon tona qaldırılması üzərində işlər gedir. Bu həcmin 10-12 milyon tonu Zəngəzurdən keçsə, qalan hissəsi yenə Gürcüstandan daşınacaq. Bu, adi riyazi hesablamadır. Odur ki, bir daha deyirəm, bu iddialar həqiqətə uyğun deyil".
Kənan Novruzov
13:32 14.08.2025
Oxunuş sayı: 10905
