ABŞ bütün yolları bağlayır: Putin sülhə gedəcək
ABŞ Prezidenti Donald Tramp Ağ Evdə jurnalistlərin suallarını cavablandırarkən deyib ki, Vaşinqtonun Moskvaya qarşı növbəti addımları Kreml rəhbəri Vladimir Putinin addımlarından asılı olacaq.
ABŞ-nin danışıqlara başlamaq üçün Rusiya qarşısında qoyduğu on gün artıq tamam olub. Vaşinqton özünü dediyi kimi, artıq konkret addımlar atmalı idi. Amma Ağ Ev rəhbərinin dediklərindən sonra belə təəssürat yaranır ki, sanki Vaşinqton süni şəkildə vaxtı uzadır.
Trampın son bəyanatı barədə Beynəlxalq məsələlər üzrə ekspert Əziz Əlibəyli Crossmedia.az-a açıqlama verib: "Əslində müqavilə bağlamaq Putinə də sərf edir. Kreml rəhbəri müharibədən itkisiz çıxmağa çalışır. Putin bir tərəfdən, işğal etdiyi torpaqları əlində saxlamağa, digər tərəfdən isə Uktayna lideri Volodimir Zelenskini hakimiyyətdən kənarlaşdırmağa çalışır. ABŞ Rusiyanın bu planına qarşı çıxmır. Ona görə qısa müddət sonra proseslərin sülhə çevrilməsi, sülhə məcbur edilmə kimi görünə bilər. Vaşinqton son sanksiyalarla Moskvanın bütün yollarını bağlayıb. Odur ki, Rusiya sülhə gedə bilər".
Ayhan
15:58 08.08.2025
Oxunuş sayı: 930
