Erməni siyasi elmlər doktoru: “Qərar verəcəklər, sonra Nikol Paşinyanı imza atmağa çağıracaqlar”
“Donald Tramp və Vladimir Zelenski arasında qızğın söz mübadiləsi haqqında onu deyə bilərəm ki, bu onların bütöv bir xalqa bir daha necə xəyanət etdiklərini və alçaq şəkildə aldatdıqlarını göstərən daha bir nümunədir”.
Crossmedia.az xəbər verir ki, bunu ABŞ-nin Stenford Universitetinin siyasi elmlər doktoru Artur Xaçikyan deyib.
Onun sözlərinə görə, əgər Tramp və Putin artıq Arktikanı bölüşürlərsə, şübhəsiz ki, Cənubi Qafqaz və Mərkəzi Asiya məsələlərini müzakirə ediblər.
“Şübhə yoxdur ki, İsrail, Türkiyə və Azərbaycan indi Trampa Zəngəzur dəhlizi ilə bağlı təkliflərini təqdim edirlər. Danışıqlar bizdən gizli gedir. Məlumat var ki, onlar Azərbaycana infrastrukturun inkişafı üçün 1,5 milyard dollar veriblər. Bu infrastrukturlar harada olacaq? Ölkənizə rəhbərlik etmək üçün küçədən bir adamı gətirəndə, belə şeylər qaçılmaz olur. Deməli, qərar verəcəklər, sonra onu (Nikol Paşinyanı-red.) imza atmağa çağıracaqlar. Qoy bu, dərs olsun ki, “KVN-şik” və “klyauza” yazan jurnalist ölkəyə rəhbərlik etməməlidir”, - deyə Xaçikyan qeyd edib.
11:40 08.03.2025
Oxunuş sayı: 12812
