Deputat: “Ermənistanla Azərbaycan arasında yeni müharibə başlaya bilər”
“Ermənistanla Azərbaycan arasında yeni müharibə başlaya bilər”.
Bunu Crossmedia.az-a geniş müsahibəsində Milli Məclisin deputatı Razi Nurullayev deyib.
O bildirib ki, qarşıdakı bir neçə ildə Ermənistanla münasibətlər təxminən indiki kimi davam edəcək: “Aradabir gərginliyin olması mümkündür. Sülh sazişi imzalanmadıqca bu proseslər baş verəcək. Eyni zamanda nəzərə almaq lazımdır ki, Ermənistanı silahlandıran güclər var. Yeri gəlmişkən, bu gün Ermənistan müxtəlif dövlətlərin də dəstəyi ilə güclü şəkildə silahlanır. Üstəlik, Ermənistana xaricdən təlimatçılar da gedir. Müxtəlif ölkələrlə hərbi əməkdaşlıq güclənir. Həmçinin Avropa İttifaqının Ermənistandakı monitorinq missiyası da onları sülhdən yayındırır. Odur ki, sülh sazişi imzalanana qədər provokasiyalar olacaq. Qısamüddətli müharibənin olmasını da istisna etmirəm”.
Müsahibənin tam versiyasını aşağıdakı linkdən oxuya bilərsiniz:
https://crossmedia.az/az/article/20466
21:40 04.03.2025
Oxunuş sayı: 14499
