İrəvan inkar edir: Sülh müqaviləsinin bu bəndləri müzakirə olunmur
Zəngəzur dəhlizi və konstitusiya müqavilənin 2 razılaşdırılmamış bəndi deyil. Sülh müqaviləsində belə bəndlər müzakirə olunmur.
Crossmedia.az xəbər verir ki, bunu Ermənistan parlamentinin sədr müavini Ruben Rubinyan “Azadlıq Radiosu”na açıqlamasında bildirib.
O, Azərbaycan Milli Məclisinin sədr müavini Ziyafət Əsgərovun Azərbaycan-Ermənistan sülh müqaviləsinin razılaşdırılmamış iki maddəsindən birinin Zəngəzur dəhlizi, digərinin isə Ermənistan konstitusiyası ilə bağlı olması barədə açıqlamasını şərh edib:
“Bu, qətiyyən doğru deyil. Ermənistanın Baş naziri Nikol Paşinyanın açıq şəkildə bəyan etdiyi kimi, hələlik razılaşdırılmamış iki bənd sərhəddə üçüncü qüvvələrin yerləşdirilməsi, digəri isə beynəlxalq hüquqi strukturlarda bir-birinin ünvanına edilən şikayətlərlə bağlıdır”, - deyə o qeyd edib.
Nəzrin Salmanova
16:10 22.02.2025
Oxunuş sayı: 7956
