Aİ-nin yeni idarəsi Azərbaycana dəstək göstərəcək
Avropa Komissiyasının Genişlənmə və Şərq Qonşuluğu üzrə yeni Baş İdarəsi (DG ENEST) genişlənmə ölkələrinə, o cümlədən Şərq Tərəfdaşlığına maliyyə və texniki yardımı idarə edəcək.
Crossmedia.az xarici KİV-ə istinadən xəbər verir ki, DG ENEST regionda əməkdaşlığı və inteqrasiyanı gücləndirməklə yanaşı, Aİ-yə üzvlük üçün çalışan namizəd ölkələrə də dəstək verəcək. Həmçinin, Ermənistan, Azərbaycan və Belarus bu yardımdan faydalanacaq.
Bundan əlavə, yeni qurum Ukraynaya daimi dəstək verəcək, bərpa və yenidənqurma proseslərini həyata keçirəcək.
Qeyd edək ki, DG ENEST-in yaradılması barədə qərarı Avropa Komissiyasının prezidenti Ursula fon der Lyayen 2024-cü ilin sentyabrında açıqlayıb, qurumun rəsmi təsis edilməsi isə həmin ilin dekabrında baş tutub.
Fatimə Məmmədova
18:34 03.02.2025
Oxunuş sayı: 9148
