Xarici xəbərlər
Rusiya–Ukrayna danışıqları yenidən Əbu-Dabidə keçirilə bilər
Rusiya Prezidentinin mətbuat katibi Dmitri Peskov Əbu-Dabidə Ukrayna ilə bağlı keçirilən üçtərəfli danışıqlar üçün əlverişli şərait yaradıldığını bildirib.
Crossmedia.az xəbər verir ki, “TASS” agentliyi bu barədə məlumat yayıb.
Peskov danışıqların növbəti mərhələlərinin keçiriləcəyi məkanla bağlı sualı cavablandırarkən Əbu-Dabidə yaradılan şəraiti müsbət qiymətləndirib.
Onun sözlərinə görə, Birləşmiş Ərəb Əmirliklərinin paytaxtında tərəflərin görüşməsi üçün rahat və əlverişli imkanlar təmin edilib.
Növbəti danışıqların harada keçiriləcəyi barədə konkret qərar açıqlanmayıb.
16:59 13.11.2026
Oxunuş sayı: 110
