Xarici xəbərlər

İsrail-Qəzza sərhədində hava hücumu siqnalı verildi

İsrail ilə Qəzza zolağı sərhədində uzun fasilədən sonra hava hücumu xəbərdarlığı sirenləri işə düşüb.

Crossmedia.az xəbər verir ki, İsrail Müdafiə Ordusu bu barədə məlumat yayıb.

İlkin məlumata görə, mümkün raket hücumu təhlükəsi ilə əlaqədar Nahal-Oz yaşayış məntəqəsində həyəcan siqnalı elan edilib. Hadisənin səbəblərinin araşdırıldığı bildirilib.

Daha sonra İsrail ordusu siqnalın səhvən verildiyini açıqlayıb. Əlavə yoxlamalar nəticəsində təhlükənin yanlış müəyyənləşdirildiyi və bölgə sakinləri üçün real təhlükənin olmadığı müəyyən edilib.

Qeyd edək ki, İsrailin Baş naziri Benyamin Netanyahu daha əvvəl BMT Baş Assambleyasındakı çıxışında Qəzza zolağı və İrandakı müharibələri “barbarlarla mübarizə” adlandırmışdı.

Mövzular:

İsrail Qəzza İsrail Müdafiə Ordusu BMT Baş Assambleyası İran hava hücumu

🖨 Çap et

23:33 29.09.2026

Oxunuş sayı: 43