Karakasda prezident sarayı ətrafında təhlükəsizlik tədbirləri gücləndirilib
Venesuelanın paytaxtı Karakasda təhlükəsizlik qüvvələri prezident sarayı ətrafında patrul xidmətini gücləndirib. Məlumata görə, polis və xüsusi təyinatlı bölmələr ərazidə nəzarəti artıraraq giriş-çıxışları diqqətlə yoxlayır.
Crossmedia.az xəbər verir ki, təhlükəsizlik tədbirlərinin gücləndirilməsi paytaxtda mövcud olan ictimai-siyasi vəziyyət fonunda həyata keçirilir. Prezident sarayının ətrafında silahlı patrullar yerləşdirilib, bəzi küçələrdə isə hərəkət qismən məhdudlaşdırılıb.
Rəsmi qurumlar hazırda vəziyyətin nəzarət altında olduğunu açıqlasa da, əlavə təhlükəsizlik tədbirlərinin preventiv xarakter daşıdığı qeyd olunur. Təhlükəsizlik qüvvələri mümkün təxribatların qarşısının alınması məqsədilə yüksək hazırlıq rejimində fəaliyyət göstərir.
Sevinc Yarməmmədova
12:28 03.01.2026
Oxunuş sayı: 3419
