Ukrayna müdafiə naziri: Evdə dron yığın, ordumuza göndərin
Ukrayna Prezidenti Volodimir Zelenski tərəfindən müdafiə naziri vəzifəsinə təqdim edilən Mixail Fyodorov daha əvvəl vətəndaşları ev şəraitində FPV-dronlar yığmağa çağırması ilə diqqət çəkib.
Crossmedia.az xəbər verir ki, bu barədə xarici KİV məlumat yayıb.
Belə ki, hazırda Rəqəmsal Transformasiya Nazirliyinə rəhbərlik edən Fyodorov ukraynalılara dron istehsalı üçün materialları özləri əldə etməyi, onları yığıb təlimatçılara təhvil verməyi və daha sonra Silahlı Qüvvələrə göndərməyi təklif edib. O, bu məqsədlə onlayn təlim kurslarının yaradılmasını da gündəmə gətirib.
Qeyd edək ki, Mixail Fyodorov nazir vəzifəsi ilə yanaşı, innovasiyalar, təhsil, elm və texnologiyalar üzrə baş nazirin birinci müavini postunu da icra edir.
Fatimə Məmmədova
11:14 03.01.2026
Oxunuş sayı: 4707
