Rusiya Putinin iqamətgahına hücum iddialarını ABŞ-yə təqdim etdi
Rusiya Baş Kəşfiyyat İdarəsinin rəisi İqor Kostyukov Moskvadakı ABŞ səfirliyində hərbi attaşelik nümayəndəsi ilə görüşərək, Rusiya prezidenti Vladimir Putinin Novqorod vilayətindəki iqamətgahına edilən iddia olunan hücumla bağlı məlumatları təqdim edib.
Crossmedia.az xarici mediaya istinadən xəbər verir.
Rusiya tərəfi dronların marşrutlaşdırma məlumatları və idarəedicilərini ABŞ-ə göstərdiklərini bildirir. Bu addımın məqsədinin “hər iki tərəfin faktları başa düşməsi” olduğu vurğulanıb.
Xatırladaq ki, Ukrayna Prezidenti Volodimir Zelenski bu məlumatları təkzib edib, ABŞ Mərkəzi Kəşfiyyat İdarəsi də Rusiya dövlət başçısının iqamətgahına heç bir hücumun baş vermədiyini təsdiqləyib.
00:09 02.01.2026
Oxunuş sayı: 3282
