Xarici xəbərlər

Kapustin sağdır: Ukrayna kəşfiyyatından sensasion etiraf

Son günlər Denis Kapustinin öldüyü ilə bağlı yayılan xəbərlər cəmiyyətdə böyük maraq doğurub. Lakin sonradan bu məlumatların doğru olmadığı açıqlanıb.

Crossmedia.az-ın məlumatına görə, Rusiya Könüllü Korpusunun (RDK) komandiri Denis Kapustin sağdır. Ukrayna Müdafiə Nazirliyinin Baş Kəşfiyyat İdarəsi (GUR) bildirib ki,

Kapustinin öldürülməsi ilə bağlı yayılan xəbərlər saxtadır. Ukrayna bu xəbəri xüsusi kəşfiyyat əməliyyatı çərçivəsində bilərəkdən yaradıb.

GUR-un açıqlamasına əsasən, bu əməliyyat zamanı Rusiya xüsusi xidmət orqanlarından sifarişli qətl adı ilə 500 min ABŞ dolları alınıb. Eyni zamanda, bu qətlin sifarişçiləri və icraçıları da müəyyən edilib.

Qeyd edək ki, bundan əvvəl RDK Kapustinin Rusiya dronunun hücumu nəticəsində öldüyünü iddia etmişdi.

Zeynəb Xuduyeva

🖨 Çap et

21:44 01.01.2026

Oxunuş sayı: 3394