ABŞ Dövlət Departamenti İran xalqını Yeni il münasibətilə təbrik etdi
ABŞ Dövlət Departamenti farsdilli “X” hesabında paylaşım edərək İran xalqını Yeni il münasibətilə təbrik edib və 2026-cı ilin İran üçün “ümid, rifah, ədalət və hamı üçün insan ləyaqəti ilə dolu bir il” olacağına ümid etdiyini bildirib.
Crossmedia.az xarici mediaya istinadən xəbər verir.
Bəyanatda ötən il ərzində İranda yaşanan böhranlara diqqət çəkilib. Xüsusilə milli valyuta rialın kəskin dəyər itirməsi, ərzaq qiymətlərinin artması, havanın çirklənməsi, su və elektrik enerjisi çatışmazlığı, eləcə də internetə məhdudiyyətlər və senzuranın gücləndirilməsi vurğulanıb.
ABŞ Dövlət Departamenti qeyd edib ki, “İslam Respublikası rejiminin davam edən repressiyaları və zəif idarəçiliyi xalqın çəkdiyi əziyyətləri daha da artırıb”. Bəyanatda bu vəziyyətin sona çatmasının vacibliyi vurğulanaraq, İran xalqının daha ədalətli, sabit və ləyaqətli gələcəyə layiq olduğu bildirilib.
19:20 01.01.2026
Oxunuş sayı: 2897
