Türkmənistan MDB-də sədrliyini təşkilatın potensialının gücləndirilməsinə yönəldəcək
Türkmənistan prezidenti Sərdar Berdiməhəmmədov 2026-cı il yanvarın 1-dən Müstəqil Dövlətlər Birliyi (MDB) qurumlarına sədrliyin Tacikistandan Türkmənistana keçdiyini bildirib.
Crossmedia.az xəbər verir ki, dövlət başçısının sözlərinə görə, Türkmənistan sədrliyi dövründə təşkilatın mövcud imkanlarının maksimum səviyyədə reallaşdırılmasına şərait yaratmağı planlaşdırır.
Berdiməhəmmədov qeyd edib ki, MDB-yə sədrliyin Türkmənistana həvalə olunması üzv dövlətlərin ölkəsinə göstərdiyi hörmət və etimadın, eyni zamanda Türkmənistanın Birliyin inkişafına verdiyi töhfələrin tanınmasının göstəricisidir.
Prezident vurğulayıb ki, Türkmənistan sədrliyi məsuliyyətli missiya kimi qiymətləndirir və təşkilat çərçivəsində əməkdaşlığın daha da gücləndirilməsi üçün fəal mövqe tutacaq.
Türkan Kərimli
14:15 01.01.2026
Oxunuş sayı: 3661
