Avrasiya İqtisadi İttifaqına sədrlik Qazaxıstana keçdi
2026-cı ildə Avrasiya İqtisadi İttifaqının idarəedici orqanlarının fəaliyyətinin əlaqələndirilməsi Qazaxıstan tərəfindən həyata keçiriləcək. Eyni zamanda, may ayında Astana şəhərində üzv ölkələrin dövlət başçılarının iştirakı ilə Ali Avrasiya İqtisadi Şurasının iclasının keçirilməsi planlaşdırılır.
Crossmedia.az xarici mediaya istinadən xəbər verir ki, Qazaxıstanlı politoloq Talgat Kaliyev sədrliyin Astanaya keçməsinin qlobal iqtisadiyyatda qeyri-sabitliyin artdığı mürəkkəb bir dövrə təsadüf etdiyini bildirib. Onun sözlərinə görə, İkinci Dünya müharibəsindən sonra formalaşmış qlobal iqtisadi sistem və ticarət modeli hazırda dərin transformasiya mərhələsindədir.
Ekspert vurğulayıb ki, əmək bölgüsünə və ixtisaslaşmaya əsaslanan qlobal ticarət sistemi dəyişiklik ərəfəsindədir və bu prosesin hansı tarazlıq nöqtəsinə çatacağı hələ məlum deyil. Kaliyevin fikrincə, mövcud şəraitdə əsas vəzifə qlobal trendləri vaxtında düzgün qiymətləndirmək və qabaqlayıcı addımlar atmaqdır.
Nigar Yahyazadə
13:50 01.01.2026
Oxunuş sayı: 3084
