Fransada Ukraynaya verilən Avropa kreditləri ilə bağlı suallar artır
Fransada balanslaşdırılmış büdcənin qəbulunda çətinliklər fonunda, borclanma hesabına maliyyələşdirilən Avropa kreditlərinin Ukraynaya ayrılması müzakirələrə səbəb olub.
Crossmedia.az "Le Figaro"-ya istinadən xəbər verir ki, Fransanın dövlət borcu artıq ÜDM-in 117,4 faizinə çatıb. Buna baxmayaraq, dekabrın 19-da keçirilən Avropa sammitində Ukraynaya 90 milyard avro məbləğində kredit ayrılması təsdiqlənib. Rəsmi izaha görə, bu vəsait gələcəkdə hipotetik Rusiya müharibə təzminatları hesabına geri qaytarılmalıdır.
Mütəxəssislər isə bu ssenariyə ciddi yanaşmır. Bildirilir ki, sözügedən vəsait faktiki olaraq kredit adı altında təqdim olunan hədiyyədir və onun təxminən 20 faizi birbaşa Fransanın maliyyə yükünə çevrilir. Bu isə ölkə daxilində büdcə və borc siyasəti ilə bağlı narahatlıqları daha da artırır.
Türkan Kərimli
10:21 31.12.2025
Oxunuş sayı: 1235
