Türkiyədə müdafiə sənayesi üzrə magistratura əməkdaşlığı başlayır
Türkiyədə müdafiə sənayesi sahəsində ixtisaslı kadr potensialının artırılması məqsədilə universitet-sənaye əməkdaşlığına dair yeni təşəbbüsə start verilib.
Crossmedia.az Türkiyə mediasına istinadən xəbər verir. Türkiyə Yüksək Təhsil Şurası (YTŞ), Müdafiə Sənayesi Komitəsi (MSK), “Türkiyə Aviasiya və Kosmos Sənayesi” (TUSAŞ) və 9 universitet arasında magistratura təhsilinə yönəlik əməkdaşlıq protokolu imzalanıb.
Məlumata görə, protokol çərçivəsində müdafiə sənayesi üçün zəruri olan sahələr üzrə ixtisaslaşmış magistr proqramlarının təşkili, akademik biliklə praktiki təcrübənin birləşdirilməsi və strateji insan resurslarının yetişdirilməsi nəzərdə tutulur. Bu addımın Türkiyənin müdafiə və yüksək texnologiyalar sahəsində uzunmüddətli inkişafına töhfə verəcəyi vurğulanır.
Türkan Kərimli
10:01 31.12.2025
Oxunuş sayı: 1234
