Rusiyanın Ermənistandakı səfiri: “Tramp Yolu” layihəsi Aİİ çərçivəsində öhdəliklərə toxuna bilər
Rusiyanın Ermənistandakı səfiri Sergey Kopırkin ABŞ-də elan olunan Ermənistan-ABŞ birgə “Beynəlxalq sülh və rifah üçün Tramp Yolu” (TRIPP) layihəsi ilə bağlı mövqelərini açıqlayıb.
Crossmedia.az xarici KİV-ə istinadən xəbər verir ki, Kopırkinin sözlərinə görə, hazırda bu təşəbbüs barədə yalnız səs-küylü ad mövcuddur və layihənin praktiki icrasına hələ başlanmayıb. O bildirib ki, Rusiya bu təşəbbüs konkret məzmun qazandıqdan sonra rəsmi mövqeyini formalaşdıracaq.
Rusiya səfiri vurğulayıb ki, “Tramp Yolu” layihəsi Ermənistanın Avrasiya İqtisadi İttifaqına (Aİİ) üzvlüyünə təsir göstərə bilər, çünki respublika ərazisindən yüklərin keçidi həm də Aİİ hüququ ilə tənzimlənir. Kopırkin qeyd edib ki, Rusiya bu məsələ ilə bağlı erməni tərəfi ilə məzmunlu məsləhətləşmələrə hazırdır.
Türkan Kərimli
14:05 30.12.2025
Oxunuş sayı: 3278
