Xarici xəbərlər

Avropada Donald Trampa mənfi münasibət üstünlük təşkil edir

London mərkəzli Public First şirkəti və Politico tərəfindən aparılan birgə sorğunun nəticələrinə görə, Fransa, Almaniya və Böyük Britaniyada respondentlərin yarıdan çoxu ABŞ Prezidenti Donald Trampa mənfi münasibət bəsləyir.

Bu barədə Crossmedia.az xarici KİV-ə istinadən xəbər verir.

Sorğu nəticələrinə əsasən, Fransada iştirakçıların 64,8 faizi Trampa münasibətini “mənfi”, onların 45 faizi isə “çox mənfi” kimi dəyərləndirib. Almaniyada respondentlərin 65,8 faizi ABŞ liderinə qarşı mənfi mövqedə olub, 46,6 faizi isə onu “çox mənfi” qiymətləndirib. Böyük Britaniyada isə sorğuda iştirak edənlərin 55,2 faizi Trampa qarşı “mənfi” və ya “çox mənfi” münasibət göstərib.

Araşdırma Kanadada da aparılıb. ABŞ prezidentinin bu ölkə ilə bağlı səsləndirdiyi bəyanatlara baxmayaraq, respondentlərin 72 faizi Donald Trampa mənfi münasibət bəslədiyini bildirib. Eyni zamanda, ABŞ-nin özündə də sorğuda iştirak edənlərin təxminən 50 faizi prezidentə mənfi yanaşdığını qeyd edib.

Türkanə Məşədiyeva

🖨 Çap et

13:05 30.12.2025

Oxunuş sayı: 2935