Xarici xəbərlər
Tusk sülh danışıqlarının hələ uzaqda olduğunu bildirdi
Ukraynadakı münaqişənin tənzimlənməsi üzrə sülh danışıqlarının başa çatmasına hələ “xeyli vaxt var”.
Crossmedia.az xarici mətbuata istinadən xəbər verir ki, bu barədə Polşanın Baş naziri Donald Tusk ABŞ və Ukrayna prezidentlərinin Floridada keçirilən görüşünün nəticələrinə münasibət bildirərək X sosial şəbəkəsində yazıb.
Polşa hökumətinin başçısı danışıqların mühüm nəticəsi kimi ABŞ tərəfinin Ukraynaya təhlükəsizlik zəmanətlərinin verilməsində iştirak etməyə hazır olduğunu bəyan etməsini qeyd edib.
Eyni zamanda Donald Tusk vurğulayıb ki, sülhün Rusiyanın şərtləri əsasında əldə olunması həm Qərbin, həm də Ukraynanın bu qarşıdurmada məğlubiyyəti demək olardı.
Onun fikrincə, danışıqlar prosesinin bundan sonrakı mərhələsi müttəfiqlərin birliyinin qorunmasını və strateji məqsədlərin aydın şəkildə müəyyən edilməsini tələb edir.
Pərvin Hacıyeva
13:00 30.12.2025
Oxunuş sayı: 3144
