Sərhəd boyunca çəkilən maneələrin ümumi uzunluğu 280 kilometr təşkil edir
Latviya Rusiya ilə dövlət sərhədində təhlükəsizliyin gücləndirilməsi məqsədilə qoruyucu baryerlərin inşasını başa çatdırıb.
Bu barədə Crossmedia.az rəsmi qurumların verdiyi məlumata istinadən xəbər verir.
Sərhəd boyunca çəkilən maneələrin ümumi uzunluğu 280 kilometr təşkil edir.
Layihə qeyri-qanuni miqrasiyanın, qaçaqmalçılığın və mümkün təhlükəsizlik risklərinin qarşısının alınmasına yönəlib.
Baryerlər əsasən metal hasarlar, müşahidə və nəzarət elementləri ilə təchiz olunub. Latviya hakimiyyəti bu addımın ölkənin milli təhlükəsizliyinin təmin olunmasında mühüm rol oynayacağını bildirir.
Son illər regionda artan geosiyasi gərginlik fonunda Baltik ölkələri sərhəd təhlükəsizliyinə xüsusi diqqət ayırır. Latviya da bu istiqamətdə həyata keçirdiyi layihələrlə Avropa İttifaqının xarici sərhədlərinin qorunmasına töhfə verməyi hədəfləyir.
Mehriban İbrahimli
11:06 30.12.2025
Oxunuş sayı: 2853
