Tayvan yaxınlığındakı hərbi təlimlər xarici müdaxiləyə cavabdır - Çin
Çin Xalq Respublikasının Xarici İşlər Nazirliyinin sözçüsü Lin Tsyan bildirib ki, Çin Xalq Azadlıq Ordusunun Tayvan sahilləri yaxınlığında keçirdiyi hərbi təlimlər ölkənin daxili işlərinə kənar qüvvələrin müdaxiləsinə birbaşa cavabdır.
Crossmedia.az bu barədə xarici mediaya istinadən xəbər verir.
Onun sözlərinə görə, bu addımlar dövlətin suverenliyini və ərazi bütövlüyünü qorumaq üçün zəruridir və Tayvandan Çini cilovlamağa, adanı silahlandırmağa və boğazdakı vəziyyəti müharibə həddinə çatdırmağa çalışan xarici qüvvələrə qarşı qəti mövqenin ifadəsidir.
Diplomat əlavə edib ki, Tayvanda hakim olan Demokratik Tərəqqi Partiyası administrasiyası israrla səhv mövqedə qalaraq “canavarı evə buraxmağa” çalışır ki, bu da adanı “barıt çəlləyinə” çevirir və onların “sülhü məhv edən və müharibəni qızışdıran” mahiyyətini ortaya qoyur.
Qeyd edək ki, bundan əvvəl Çin Xalq Azadlıq Ordusunun Şərq Hərbi Komandanlığı Tayvan yaxınlığında real döyüş sursatlarından istifadə olunmaqla hərbi təlimlərin keçiriləcəyini açıqlamışdı.
Günel Verdiyeva
21:03 29.12.2025
Oxunuş sayı: 3336
