Ukrayna Prezidenti sülh planı üzrə referendumla bağlı çətinlikləri açıqladı
Ukrayna Prezidenti Volodimir Zelenski sülh planı üzrə referendumun keçirilməsinin hazırkı şəraitdə son dərəcə çətin olduğunu bildirib. Onun sözlərinə görə, buna səbəb davamlı atəşkəsin olmaması və təhlükəsizlik zəmanətlərinin təmin edilməməsidir. Zelenski qeyd edib ki, Rusiya bu cür zəmanətlər verməyə hazır deyil.
Bu barədə Crossmedia.az xarici KİV-ə istinadən xəbər verir.
Prezident bildirib ki, əvvəlki razılaşmalar müharibənin qarşısını almaqda effektiv olmayıb.
Zelenski əlavə edib ki, 20 maddədən ibarət sülh planı onun legitimliyinin təsdiqi məqsədilə ümumukrayna referendumuna çıxarılmalıdır.
Ukrayna lideri eyni zamanda ölkəsinin ərazi bütövlüyü ilə bağlı mövqeyinin dəyişməz qaldığını bildirib və dondurulmuş Rusiya aktivlərinin Ukraynanın bərpası üçün istifadə olunmasının planlaşdırıldığını qeyd edib.
Türkanə Məşədiyeva
19:46 29.12.2025
Oxunuş sayı: 3392
