ŞOK - Netanyahu ABŞ-dən İrana zərbələrə icazə istəyəcək
İsrailin baş naziri Benyamin Netanyahu bu axşam ABŞ Prezidenti Donald Trampla keçiriləcək görüşdə Vaşinqtonu İranın raket obyektlərinə zərbə endirməyə razı salmağa çalışacaq.
Bu barədə Crossmedia.az The Washington Post-a istinadən məlumat verir.
Məlumata görə, Netanyahu İranı İsrail üçün regionda əsas təhlükə hesab edir və ABŞ-dən ya İsrail ordusunun bu obyektlərə zərbə endirməsinə icazə verilməsini, ya da Amerika silahlı qüvvələrinin birbaşa müdaxiləsini istəyir.
İsrailin baş naziri eyni zamanda Qəzza zolağı ilə bağlı daha sərt mövqenin tutulmasına nail olmağa çalışacaq. O, ABŞ tərəfini radikal Fələstin hərəkatı HƏMAS-ın bölmələrinin Trampın sülh planının ikinci mərhələsində nəzərdə tutulan ərazilərdən İsrail qoşunları çıxarılmadan əvvəl güc yolu ilə tərksilah edilməsinə dair təminat verməyə razı salmaq niyyətindədir.
Nəşrin qeyd etdiyinə görə, Netanyahunun bu tələblərinə nail olması çətin görünür. Çünki ABŞ prezidenti hazırda Yaxın Şərqdə gərginliyin artmasının qarşısını almağa və öz sülhməramlı gündəmini davam etdirməyə üstünlük verir.
Türkanə Məşədiyeva
17:08 29.12.2025
Oxunuş sayı: 3121
