Hizbullah: İsrail Livandan çıxmayınca silahları təhvil verməyəcəyik
Hizbullahın lideri Naim Qasim bildirib ki, İsrail qüvvələri Livan ərazisindən tamamilə çıxmadan təşkilat silahsızlanma məsələsini müzakirə etməyəcək.
Crossmedia.az xarici KİV-ə istinadən xəbər verir ki, o, bu barədə televiziya vasitəsilə xalqa müraciətində danışıb.
Qasim qeyd edib ki, hökumətin silahların yalnız dövlətin nəzarətində olması istiqamətində atdığı addımlar ABŞ və İsrailin maraqlarına xidmət edir. Onun sözlərinə görə, bu qüvvələr Livandakı müqavimət hərəkatının mövcudluğuna son qoymaq istəyir.
“Cənub bölgələrinin bir hissəsi hələ də işğal altında olduğu və təcavüz davam etdiyi bir şəraitdə döyüşçülərimizi silahsızlanmağa məcbur etməyəcəyik. Biz bunu məntiqsiz hesab edirik” , – deyə Hizbullah lideri vurğulayıb.
14:05 29.12.2025
Oxunuş sayı: 2876
