Xarici xəbərlər

İsrail ABŞ-nin dəstəyini almağa cəhd göstərə bilər

İsrailin baş naziri Benyamin Netanyahu ABŞ-yə səfəri zamanı Vaşinqtonun Qəzza zolağında yeni hərbi əməliyyata dəstəyini almağa cəhd göstərə bilər. Bu barədə CNN mənbələrə istinadən məlumat yayıb.

Crossmedia.az bu barədə CNN telekanalına istinadən xəbər verir.

Telekanalın məlumatına görə, Netanyahu ABŞ-də olduğu müddətdə prezident Donald Trampla danışıqlar aparmağı planlaşdırır. İstisna edilmir ki, o, sülh razılaşmasının növbəti mərhələsinin icrasına razılıq verməzdən əvvəl Qəzza zolağında əlavə hərbi əməliyyatın keçirilməsi üçün ABŞ-nin dəstəyini qazanmağa çalışsın.

Mənbələr bildirir ki, İsrailin baş naziri belə bir əməliyyata, gələcək güzəştlərə getməzdən öncə siyasi tərəfdaşlarını razı salmaq və güc nümayiş etdirmək məqsədilə ehtiyac duya bilər.

Günel Verdiyeva

🖨 Çap et

12:20 29.12.2025

Oxunuş sayı: 2618