Xarici xəbərlər
Biznesmenlər Ukrayna danışıqlarında iqtisadi riskləri qiymətləndirir – Titov
Rusiya prezidenti Vladimir Putinin xüsusi nümayəndəsi Boris Titov bildirib ki, Ukrayna ilə bağlı sülh danışıqlarında biznesmenlərin iştirakı ölkənin iqtisadi risklərini daha yaxşı anlamaq və praktik yanaşma təmin etmək məqsədi daşıyır.
Crossmedia.az bu barədə Rusiya mediasına istinadən xəbər verir.
Titov qeyd edib ki, Rusiya və ABŞ arasında aparılan Ukrayna münaqişəsinin nizamlanması üzrə danışıqların əhəmiyyətli hissəsi biznesmenlər tərəfindən həyata keçirilir, çünki onlar ölkənin iqtisadi sahədə qarşılaşa biləcəyi riskləri daha yaxşı qiymətləndirir və məsələlərə praktik yanaşırlar.
“Biznes daha praktik baxışa malikdir, ölkənin iqtisadi sahədə daşıdığı riskləri daha yaxşı başa düşür. İqtisadi sahə isə insanların rifahı, həyat səviyyəsi deməkdir. Biznes həmişə praktik yanaşmalar əsasında işləyir, populizm ona xas deyil. Biznes problemləri praktik baxımdan həll etməyi bilir” — deyə Boris Titov bildirib.
Günel Verdiyeva
12:13 29.12.2025
Oxunuş sayı: 3814
