Zunuzi: Məni təhqir edin, ancaq Azərbaycan xalqını yox
“Traktor” futbol klubunun sahibi Məhəmmədrza Zunuzi televiziya kanallarında birində canlı yayımda çıxışı zamanı türklərə qarşı təhqirlərə sərt reaksiya verib.
Crossmedia.az xarici mediaya istinadən xəbər verir.
O bildirib ki, şəxsi təhqirlərə dözə bilər, lakin Azərbaycan xalqına qarşı hörmətsizliyə heç vaxt göz yummayacaq.
Zunuzi qeyd edib ki, etnik təhqirlər davam edərsə, komandanın oyunlara çıxmasına icazə verməyəcək:
“Futbolda başımızı da kəssələr, amma türklərə qarşı təhqir qarşısında geri çəkilməyəcəyik. Xalqın qeyrəti Traktordan da önəmlidir”.
O, bu sözləri deyərkən duyğulandığını da gizlətməyib.
15:19 28.12.2025
Oxunuş sayı: 1204
