Xarici xəbərlər

İran İsrail daxilində geniş casus şəbəkəsi qurub

İsrailin Ynet nəşri xəbər verir ki, İran İsrail daxilində geniş casus şəbəkəsi formalaşdırıb. Təhlükəsizlik orqanları ötən ilin sentyabrından bəri İranla əlaqəli 35 casusluq hadisəsi aşkarlayıb.

Crossmedia.az xəbər verir ki, məlumata görə, şəbəkə həssas məlumatların toplanması, xaos yaratmaq və hətta sui-qəsdlər planlaşdırmaq məqsədi daşıyıb. Saxlanılanlar arasında 13 yaşlı uşaqdan tutmuş hərbi çağırışçılara qədər müxtəlif şəxslər var. Onların bir qismi “Telegram” vasitəsilə maliyyə qarşılığında cəlb edilib.

Ynet yazır ki, 2024-cü ilin sentyabrında Aşkelonda saxlanılan 72 yaşlı şəxs İran kəşfiyyatı ilə görüşərək İsrail rəhbərliyinə qarşı sui-qəsd imkanlarını müzakirə edib.

Hesabata görə, bəzi şübhəlilər nazirlərin və hərbi obyektlərin görüntülərini toplayıb, bəziləri isə İranla əlaqəli hücrələr tərkibində fəaliyyət göstərib.

🖨 Çap et

12:02 28.12.2025

Oxunuş sayı: 1133