Azərbaycan Rusiya vasitəçiliyi ilə İsrail-Suriya danışıqlarına ev sahibliyi edir
Rusiya İsrail və Suriya arasında gizli təhlükəsizlik razılaşmasının əldə edilməsi üçün vasitəçilik edir və ABŞ bu prosesə səssiz razılıq verib. Hazırda Bakı hər iki tərəfin yüksək vəzifəli rəsmiləri arasında görüşlərə və danışıqlara ev sahibliyi edir.
Crossmedia.az xəbər verir ki, məlumata görə, Moskva və Dəməşq İsrail ilə Suriya arasında əlaqələri gücləndirməyə çalışır. Ötən ay Rusiya Suriya sahillərindəki Latakiya bölgəsinə qoşun və texnika yerləşdirib. İsrail Rusiyanın Suriyadakı varlığını qəbul edir, çünki bu, Türkiyənin Suriyanın cənubunda mövcudluq yaratmasına mane ola bilər.
Rusiya vasitəçiliyi ilə müzakirə olunan əsas razılaşma detalları:
• Suriya de-fakto Colan təpələrindən imtina edəcək və Druzlara qarşı hərbi müdaxilə həyata keçirməyəcək. Druzlar Şamın suverenliyi altında qalacaq və hərbi toqquşmalara qatılmayacaq.
• Druzlar ilə Suriya arasında Rusiya hərbiçiləri patrul həyata keçirəcək, Cənubi Əməliyyat Otağı yenidən Rusiyanın iştirakı ilə fəaliyyət göstərəcək.
• Rusiya Şamda vahid Hava Hücumundan Müdafiə sistemini bərpa edəcək və İsrailin razılığı ilə Colan təpələri istiqamətində patrul fəaliyyətini həyata keçirəcək.
• Suriya İrana bağlı qüvvələrin ərazidə yerləşməsinə və logistik keçidinə icazə verməyəcək.
• Hermon dağı İsraildə qalacaq, su ehtiyatları birlikdə istifadə ediləcək, İsrail ağır silah yerləşdirməyəcək və Əl-Tanf bazasından geri çəkiləcək.
• İsrail SDF-YPG xəttinə hərbi dəstək verməyəcək və Suriyada fəaliyyətini Rusiyanın koordinasiyası ilə həyata keçirəcək.
• Bütün təmas xətti boyunca Rusiya hərbiçiləri patrul aparacaq, görüşlər Bakıda davam edəcək və Suriyanın İbrahim anlaşmalarına qoşulması sürətləndiriləcək.
23:19 27.12.2025
Oxunuş sayı: 1330
