Xarici xəbərlər

İsveç: Cinayətkar dəstənin əsas lideri İranda gizlənir

Ölkədə fəaliyyət göstərən cinayətkar dəstələr beynəlxalq miqyasda fəaliyyətlərini genişləndirib. Son aylarda bir sıra cinayətkarların ekstradisiyası həyata keçirilsə də, əsas fiqurlar hələ də xaricdə gizlənir.

Crossmedia.az xəbər verir ki, bu barədə İsveç məhkəmə orqanları bildirib.

İsveç hakimiyyətinin məlumatına görə, Foxtrot cinayət şəbəkəsinin lideri Roa Məcid hazırda İranda gizlənir. Bildirilir ki, İsveçin İranla ekstradisiya sazişi olmadığı üçün onun ölkəyə qaytarılması mümkün deyil.

İsveçin ədliyyə naziri Qunnar Strömer məsələ ilə bağlı açıqlamasında İranla məhkəmə əməkdaşlığının son dərəcə çətin olduğunu deyib. Nazir vurğulayıb ki, bu vəziyyət İranı beynəlxalq cinayətkar dəstələrin liderləri üçün təhlükəsiz sığınacağa çevirir.

🖨 Çap et

22:30 27.12.2025

Oxunuş sayı: 877