Xarici xəbərlər

İsrail Somalilend Respublikasını müstəqil dövlət kimi tanıdığını elan edib

İsrailin Baş naziri Benyamin Netanyahu İsrailin Somalilend Respublikasını müstəqil və suveren dövlət kimi tanıdığını bəyan edib. Bu barədə məlumat yəhudi dövlətinin hökumət başçısının ofisi tərəfindən yayımlanıb.

Crossmedia.az xəbər verir ki, rəsmi Təl-Əviv Somalilendin müstəqilliyini və dövlət suverenliyini tanımaqla bu regionla siyasi və diplomatik əlaqələrin inkişafında yeni mərhələnin əsasını qoymağı hədəfləyir. Qərarın bölgədə sabitlik və təhlükəsizliyə töhfə verəcəyi vurğulanır.

Qeyd edək ki, Somalilend 1991-ci ildə Somalidən ayrıldığını elan etsə də, indiyədək beynəlxalq ictimaiyyət tərəfindən geniş şəkildə tanınmayıb. İsrailin bu addımı regional və beynəlxalq səviyyədə müxtəlif reaksiyalara səbəb ola bilər. Rəsmi qurumlar tərəfindən məsələ ilə bağlı əlavə açıqlamaların verilməsi gözlənilir.

Nastya Qəniyeva

🖨 Çap et

23:10 26.12.2025

Oxunuş sayı: 1100