Suriyanın keçid höküməti Homsda məscidə edilən terror hücumunu pisləyib
Suriyanın keçid hökümətinin Xarici İşlər Nazirliyi Homs şəhərində məscidə qarşı törədilən və səkkiz mülki şəxsin ölümü ilə nəticələnən terror hücumunu kəskin şəkildə pisləyib.
Bu barədə Crossmedia.az xarici mediaya istinadən xəbər verir.
Nazirlik hücumu ölkədə sabitliyi pozmağa yönəlmiş ümidsiz cəhd kimi qiymətləndirib.
Nazirliyin X sosial şəbəkəsindəki rəsmi səhifəsində yayımlanan bəyanatda bildirilib ki, bu qorxaq əməl insan və mənəvi dəyərlərin açıq şəkildə pozulmasıdır və Suriya xalqı arasında xaos yaratmaq məqsədi daşıyır.
Bəyanatda vurğulanıb ki, Dəməşq terrorizmin bütün formalarına qarşı mübarizədə qəti mövqeyə malikdir. “Bu cür cinayətlər Suriya hökumətini təhlükəsizliyi gücləndirmək və vətəndaşları qorumaq istiqamətində atdığı addımlardan çəkindirə bilməz. Bu dəhşətli əməllərdə iştirak edənlərin hamısı ədalət qarşısında cavab verəcək,” – deyə nazirlik qeyd edib.
Mehriban İbrahimli
21:26 26.12.2025
Oxunuş sayı: 923
