Xarici xəbərlər

Komrat məhkəməsi Dmitri Konstantinovu 12 il həbs cəzasına məhkum etdi

Komrat məhkəməsi Dmitri Konstantinov barəsində hökm çıxarıb. O, 12 il müddətinə azadlıqdan məhrum edilib.

Crossmedia.az xəbər verir ki, məhkəmənin qərarına əsasən, Konstantinova həmçinin 5 il müddətinə müəyyən vəzifələrdə çalışmaq qadağan olunub və o, 46 milyon ley məbləğində dəymiş zərəri ödəməyə məcbur edilib.

İstintaq zamanı müəyyən edilib ki, Dmitri Konstantinov 2017-2020-ci illərdə Komratda fəaliyyət göstərən bir şirkətin direktoru vəzifəsində çalışarkən vəsaitləri qanunsuz olaraq oğluna məxsus şirkətin hesablarına köçürüb və saxta müqavilələr bağlayıb. Bu hallar müəssisənin iflasına səbəb olub və 46 milyon ley zərər dəyib.

Qeyd edilib ki, hökmün elan edildiyi vaxt Dmitri Konstantinov məhkəmə zalında olmayıb. Məhkəmənin qərarına əsasən, onun axtarışa verilməsi nəzərdə tutulur.

Vəkilin sözlərinə görə, Konstantinovun məhkəmədə iştirak etməməsinə səbəb onun xəstəxanada olmasıdır.

Türkan Kərimli

🖨 Çap et

17:45 26.12.2025

Oxunuş sayı: 1031