Xarici xəbərlər

İsraildə Azərbaycan Turizminə marağın artdığı qeyd olunub

Təl-Əviv, İsrail–İsrail Turizm Cəmiyyəti və Terra Nova şirkətinin baş direktoru İmri Kalmanın rəhbərliyi ilə təşkil olunan konfransda Azərbaycan və İsrail arasında turizm əlaqələri müzakirə olunub.

Crossmedia.az xəbər verir ki, konfrans zamanı Azərbaycanın İsraildəki səfiri Muxtar Məmmədov çıxış edərək bildirib ki, İsrail vətəndaşları Azərbaycana səfər edən turistlər arasında lider mövqedədir və bu tendensiyanın gələcəkdə daha da güclənəcəyi gözlənilir.

Səfir, həmçinin qeyd edib ki, Azərbaycan Hava Yolları müharibə dövründə belə İsrailə uçuşları davam etdirən azsaylı aviaşirkətlərdən biri olub. Bu jestin israillilər tərəfindən unudulmayacağına əminliyini ifadə edib.

Tədbirdə çıxış edən Lametayel şirkətinin rəqəmsal texnologiyalar üzrə vitse-prezidenti Revitəl Horeşin təqdim etdiyi son sorğunun nəticələrinə əsasən, israilli turistlər arasında ən populyar istiqamətlər Yaponiya, Tailand və Azərbaycan olub. Bu nəticə israillilərin ekzotik, uzaq və qeyri-adi məkanlara maraq göstərdiyini təsdiqləyir.

Nastya Qəniyeva

🖨 Çap et

14:03 26.12.2025

Oxunuş sayı: 917