Şahzadə Endryu ilə bağlı iddialar FBI araşdırmasına çıxır
İngiltərədə yüksək rezonans doğuran yeni iddialar hüquq-mühafizə orqanlarını hərəkətə keçirib. Surrey polisinin məsələ ilə bağlı ABŞ-ın müvafiq qurumları ilə əlaqə quraraq iddiaların mənbəyini və məzmununu dəqiqləşdirməyə çalışacağı qeyd olunur.
Crossmedia.az The Times qəzetinə istinadən xəbər verir ki, İngiltərənin Surrey qraflığında fəaliyyət göstərən polis orqanları Kral III Çarlzın qardaşı Endryu Mauntbatten-Vindzorun uşaqlara qarşı zorakılığın törədildiyi iddia olunan məclislərdə mümkün iştirakı ilə bağlı məlumat əldə etmək üçün ABŞ Federal Təhqiqatlar Bürosu (FBI) ilə əlaqə saxlayacaq.
Qəzetin sitat gətirdiyi açıqlamada deyilir:
“Əlimizdə olan məhdud məlumatlar əsasında sistemlərimizin yoxlanılması nəticəsində bu iddiaların Surrey polisi tərəfindən əvvəllər qeydə alındığına dair heç bir sübut tapılmayıb. Buna görə də redaktə olunmuş məlumatlara çıxış əldə etmək üçün müvafiq qurumlarla əlaqə qururuq.”
Bu addım Ceffri Epşteyn işi üzrə dərc olunan və İngiltərədə Endryu ilə bağlı iddia olunan cinayətlərin xatırlandığı sənədlərin yayımlanmasından sonra atılıb.
Zeynəb Xuduyeva
11:35 26.12.2025
Oxunuş sayı: 1058
