Ermənistanda elektrik şəbəkələrinin vəziyyəti ilə bağlı qalmaqallı görüntülər yayılıb
Ermənistanda Gümrü Ağsaqqallar Şurasında hakim “Vətəndaş Müqaviləsi” partiyasının fraksiyasının rəhbəri Sarik Minasyan sosial şəbəkələrdə paylaşdığı video ilə “Ermənistan Elektrik Şəbəkələri” QSC-yə məxsus yarımstansiyalardan birinin acınacaqlı vəziyyətini nümayiş etdirib.
Crossmedia.az xəbər verir ki , bu barədə xarici KİV məlumat yayıb.
Sözügedən obyekt əvvəllər rusiyalı oliqarx Samvel Karapetyana məxsus olub.
Minasyan Facebook səhifəsində bildirib ki, “Axuryan” elektrik şəbəkəsinin yarımstansiyalarında uzun illər ərzində məsuliyyətsizlik və investisiya çatışmazlığı hökm sürüb. Onun sözlərinə görə, verdiyi göstəriş əsasında mövcud problemlərin aradan qaldırılması üçün işlərə başlanılıb və yol verilən nöqsanlara görə məsul şəxslər ciddi intizam tədbirləri ilə cəzalandırılacaq.
Məlumata əsasən, elektrik şəbəkələrinin bu vəziyyəti faktiki olaraq ölkənin əksər bölgələrində müşahidə olunub.
Qeyd edilir ki, bu hal Samvel Karapetyanın Ermənistanda elektrik enerjisini təkcə regionda deyil, həm də MDB məkanında ən yüksək qiymətlərlə satdığı dövrə təsadüf edib.
Rəsmi qurumlar məsələ ilə bağlı araşdırmaların davam
etdiyini bildiriblər.
Fatimə Məmmədova
11:09 26.12.2025
Oxunuş sayı: 1129
