KİV: İsrail və Suriya təhlükəsizlik sahəsində razılaşmaya yaxındır
İsrail ilə Suriya arasında təhlükəsizlik mövzusunda razılaşmanın yaxın günlərdə əldə olunacağı bildirilir.
Crossmedia.az xəbər verir ki, bu barədə “i24” telekanalı məlumat yayıb.
Məlumata görə, Suriyada keçid dövrünə rəhbərlik edən Prezident Əhməd Əl-Şaraaya yaxın şəxslər son həftələr aparılan danışıqlarda əhəmiyyətli irəliləyişin əldə edildiyini bildiriblər.
Belə ki, müzakirə olunan sənəd qısa müddətdə imzalana bilər.
Qeyd olunur ki, tərəflər arasındakı razılaşmanın formalaşmasında ABŞ Prezidenti Donald Trampın vasitəçiliyi mühüm rol oynayıb. Təhlükəsizlik sazişinin Avropa ölkələrindən birində İsrail və Suriya nümayəndə heyətlərinin yüksək səviyyəli görüşü zamanı rəsmiləşdirilməsi ehtimal olunur.
Fatimə Məmmədova
10:45 26.12.2025
Oxunuş sayı: 1205
