Xarici xəbərlər

Ukrayna zərbələri Qazaxıstanın neft ixracını azalda bilər

Ukraynanın endirdiyi zərbələr Qazaxıstan neftinin ixrac həcmlərinin kəskin azalmasına səbəb ola bilər.

Bu barədə Crossmedia.az Reuters agentliyinin mənbələrə istinadən yaydığı məlumata əsasən xəbər verir.

Belə ki, gündəlik ixracın planlaşdırılan 1,7 milyon bareldən 1,14 milyon barelədək düşəcəyi gözlənilir. Bu göstərici son 14 ayın ən aşağı səviyyəsi hesab olunur.

Azalmanın əsas səbəbi Rusiyanın Novorossiysk şəhəri yaxınlığında yerləşən Xəzər Boru Kəməri Konsorsiumunun (CPC) terminalının zədələnməsidir. Məhz bu kəmər Qazaxıstan neftinin əsas ixrac marşrutlarından biri sayılır.

Ekspertlərin fikrincə, problem neft hasilatından daha çox ixrac infrastrukturunun fəaliyyətində yaranan çətinliklərlə bağlıdır. Bu vəziyyət Qazaxıstanın neft gəlirlərinə, eləcə də regional və qlobal enerji bazarlarına təsir göstərə bilər.

Mehriban İbrahimli

🖨 Çap et

19:52 25.12.2025

Oxunuş sayı: 1362