Xarici xəbərlər

Əmiri: Həşd-Şəəbinin dağılması ilə bağlı şayiələr doğru deyil

İraqın şiə təşkilatının baş katibi Bədr Əmiri İrana bağlı Həşd-Şəəbi silahlı qruplaşmasının ləğvi ilə bağlı xəbərləri təkzib edib.

"Həşd-Şəəbinin buraxılması sadəcə bir şayiədir və biz bunu qəbul etmirik. Həşd-Şəəbi bir təhlükəsizlik qurumudur.

Onun buraxılmasını tələb edənlərə deyirik: "Özünüzə hörmət edin. Silahlı qrupların tərksilah edilməsi İraqın daxili qərarıdır və biz bunun kənardan qəbul edilməsinə icazə verməyəcəyik", - deyə o bildirib.

Crossmedia.az bu barədə xarici mediaya istinadən xəbər verir.

Qeyd etmək lazımdır ki, Həşd-Şəəbi İran İslam İnqilabının Keşikçiləri Korpusu (SEPAH) tərəfindən tam nəzarət edilən İraq Şiə paramilitar təşkilatıdır. O, 2014-cü ildə təsis edilib. Təxminən 200.000 döyüşçüsü olan müxtəlif silahlı qrupların çətir təşkilatıdır.

🖨 Çap et

19:45 25.12.2025

Oxunuş sayı: 1441